2026 йилги энг яхши смартфонлар маълум қилинди

2026 йилнинг биринчи чораги якунларига кўра энг яхши смартфонлар рўйхати эълон қилинди. Бу ҳақда “Tom’s Guide” портали хабар берди.

Мутахассислар энг кучли телефон сифатида iPhone 17 Pro Max’ни танлаган. Улар бу моделда жуда кучли ишлаш тезлиги, узоқ батарея қуввати, қулай интерфейс ва юқори сифатли камера бирлашганини айтишган. Мутахассисларнинг фикрича, бу телефонни сотиб олган одам деярли мукаммал ишлаш ва сифатли дизайн олади.

Android телефонлар ичида энг катта рақиб сифатида Samsung Galaxy S26 Ultra тан олинган. Бу модел катта экран ва узоқдан яхши суратга олиш имконини берадиган кучли зум камераси билан ажралиб туради.

Ўрта нарх сегментида энг яхши телефон сифатида Google Pixel 10a кўрсатилган. У айниқса сунъий интеллектга асосланган функциялари билан бошқа рақиблардан устун туради.

Энг “ақлли” телефон сифатида Google Pixel 10 Pro танланган. Бунга сабаб — кучли камера ва ички нейрон тизим (AI) имкониятлари.

Apple ичида энг мувозанатли модель сифатида iPhone 17, Androidлар ичида эса OnePlus 15 эътироф этилган.

Энг арзон, лекин яхши камера ва оптик зумга эга телефон сифатида Google Pixel 10 қайд этилган.

Энг чиройли дизайнга эга телефон эса Nothing Phone 4a Pro деб топилган.

Хулоса қилиб айтганда, 2026 йил бошида бозорда Apple ва Google моделлари кучли устунлик қилган, Samsung эса юқори даражадаги Android сегментида асосий рақобатчи бўлиб қолган.

Эслатиб ўтамиз, аввалроқ Apple компанияси 17-авлоддаги энг арзон смартфон – iPhone 17e чиққанини эълон қилганди.