26 ёшли қизни Туркияга фоҳишаликка олиб кетаётган аёл ушланди

Тошкент халқаро аэропортида 26 ёшли қизни Туркияга фоҳишаликка олиб кетаётган аёл қўлга тушди. Бу ҳақда Давлат хавфсизлик хизмати хабар берди.

Қайд этилишича, Тошкент вилоятининг Янгийўл шаҳрида яшовчи 1982 йилда туғилган аёл Чиноз туманида истиқомат қилувчи 2000 йилда туғилган қизни хорижга олиб бориб, жинсий эксплуатация қилишни режалаштирган. У ўз мақсадига эришиш учун жабрланувчига авиачипта харид қилиб бериб, кейинчалик ишлаб топадиган маблағининг ярмини доимий равишда беришини талаб қилган. 

Билдирилишича, кўрилган чора-тадбирлар натижасида гумонланувчи аёл жабрланувчи билан бирга Тошкент халқаро аэропортидан Истанбул шаҳрига учиб кетмоқчи бўлган вақтида тўхтатиб қолинган. Ҳозирда аёлга нисбатан Жиноят кодексининг 135-моддаси (одам савдоси) билан жиноят иши қўзғатилиб, тергов ҳаракатлари олиб борилмоқда. 

Эслатиб ўтамиз, аввалроқ Тошкентдан Туркияга алданиб, фоҳишалик учун кетаётган аёл тўхтатиб қолинганди.