АҚШдаги аэропортда самолёт ҳалокатга учради. Қурбонлар бор
Олам
−
09 Апрель 3024 1 дақиқа
Бугун, 9 апрель куни АҚШнинг Аризона штатида енгил моторли самолёт қулаши оқибатида икки киши ҳалок бўлди. Бу ҳақда NBC телеканали хабар берди.
Қайд этилишича, ҳодиса Марана шаҳри аэропортида юз берган. Самолёт учиш-қўниш йўлагидан чиқиб, портлаб кетган. Аэропортдаги бошқа ҳаво кемаларига зарар етмагани айтилмоқда.
“Шаҳар маъмурияти вакили Вик Хэтэуэй самолёт бортида икки киши бўлганини маълум қилди. Уларнинг шахси ҳали аниқланмаган. Марана полиция департаментининг хабарида бошқа жароҳатланганлар йўқлиги ва ҳодисага бошқа ҳаво кемалари алоқадор эмаслиги айтилган”, дейилади хабарда.
АҚШ Миллий транспорт хавфсизлиги кенгаши Piper PA-32 самолёти ҳалокати юзасидан тергов олиб борилаётганини билдирган.
Эслатиб ўтамиз, аввалроқ Бразилия жанубида кичик самолёт ресторан биносига бориб урилиши оқибатида уч киши ҳалок бўлган эди.
Live
Барчаси
