Компартия бош котиби Вьетнам Президенти этиб қайта сайланди

Бугун, 7 апрель куни Вьетнам Миллий ассамблеяси мамлакат Коммунистик партияси Марказий Қўмитаси бош котиби То Ламни беш йил муддатга президентлик лавозимига тайинлашни бир овоздан тасдиқлади. Бу ҳақда “Znews.vn” хабар берди.

Расмий маълумотларга кўра, тегишли резолюция учун ҳозир бўлган 495 нафар депутатдан 495 нафари овоз берган, бу парламент аъзолари умумий сонининг 99 фоизини ташкил этади. Сайланганидан сўнг То Лам қасамёд келтириб, Конституцияга, давлатга ва Вьетнам халқига содиқлигини, шунингдек, зиммасига юкланган вазифаларни бажаришга тайёрлигини билдирган.

Президент лавозимга киришиш нутқида сиёсий барқарорликни сақлаш, барқарор иқтисодий ўсишни таъминлаш ва аҳоли турмуш даражасини оширишни устувор вазифалар қаторида белгилаб олган. У, шунингдек, минтақавий ва глобал барқарорликни таъминлашда Вьетнам ролини кучайтириш зарурлигини таъкидлаган.

“Бизнинг энг асосий мақсадимиз тараққиётдан  коммунист Вьетнам халқининг барча қатлами баҳраманд қилиш ва уларнинг ҳаётини яхшилашга қаратилган”, дейди То Лам.

Маълумот учун, То Лам 1957 йилда Хиньен провинциясида туғилган. Халқ хавфсизлиги академиясини тамомлаган ва Жамоат хавфсизлиги вазирлиги департаменида оддий аскарликдан раҳбарлик лавозимларигача бўлган йўлни босиб ўтган. Вьетнам Коммунистик партияси Марказий Қўмитасининг бир неча чақириқлари аъзоси. Шунингдек, у жамоат хавфсизлиги вазири лавозимида ишлаган, 2024 йилда эса “этик қоидабузарликлар” туфайли истеъфога чиққан Во Ван Тхионг ўрнига Вьетнам Социалистик Республикаси Президенти этиб сайланган. Кўп ўтмай у Компартия бош котиби этиб сайланган, 2026 йил январида эса ушбу лавозимга қайта сайланди ва унда 2031 йилгача қолади.

Эслатиб ўтамиз, аввалроқ Мьянмада инқилобчи ва ҳарбий ҳунта етакчиси генерал Мин Аун Ҳлайн мамлакат Президенти этиб сайлангани ҳақида хабар берилган еди.

Ҳожиакбар Муҳаммаджонов