Колумбияда ҳарбий самолёт ҳалокатга учради. 34 нафар қурбон бор

Колумбияда аскарларни олиб кетаётган ҳарбий самолёт ҳалокатга учради. Бу ҳақда BBC хабар берди.

Маълум бўлишича, Hercules C-130 самолёти Колумбия-Перу чегарасидаги Пуэрто-Легуизамодаги базадан парвоз қилганидан кўп ўтмай ҳалокатга учраган. 

Колумбия ҳаво кучлари қўмондони Карлос Фернандонинг сўзларига кўра, бортда 114 йўловчи ва 11 экипаж аъзоси бўлган. Колумбия Президенти Густаво Петро Х тармоғида 77 киши шифохонага олиб кетилганини ва 43 киши бедарак йўқолганини ёзган.

Дастлабки маълумотларга кўра, ҳодиса оқибатида 34 киши ҳалок бўлгани айтилган.

Президент Густаво Петро Х да ҳалокатга унинг ҳарбий модернизация дастурини, жумладан, самолётларни секинлаштираётган “бюрократик муаммолар” сабаб бўлганини айтган.

“Мен бошқа кечикишларга йўл қўймайман, йигитларимизнинг ҳаёти хавф остида”, деб ёзган Густаво Петро.

Эслатиб ўтамиз, аввалроқ Боливияда нақд пул ортилган ҳарбий юк самолёти ҳалокатга учраши оқибатида камида 15 киши ҳалок бўлганди.