Австралия Бош вазирининг самолёти АҚШга фавқулодда қўнди

Австралия Бош вазири Энтони Альбанезе учаётган самолёт экипаж аъзоларидан бирининг тоби қочгани сабабли АҚШга фавқулодда қўнди. Бу ҳақда SBS хабар  берди.

Маълумотларга кўра, Энтони Альбанезе АҚШ Президенти Доналъд Трамп билан учрашувдан сўнг Вашингтондан Австралияга йўл олган. Бироқ унинг самолёти Миссури штатининг Сент-Луис шаҳрига қўнган.

Қайд этилишича, экипаж аъзоси устига буюм тушиб кетиши оқибатида жароҳат олган. Жабрланувчи шифохонага ётқизилган ва самолёт ёқилғи қуйилганидан сўнг Австралияга учиб кетган.

“Самолёт тиббий ёрдам талаб қиладиган ҳодиса оқибатида фавқулодда қўнишни амалга оширди. Вашингтондан Австралияга учаётган самолёт Миссури штатига қўнган. Ҳарбий вакил Бош вазир аппаратининг аъзоси эмас”, дея қўшимча қилинади хабарда.

Эслатиб ўтамиз, аввалроқ Сербия Президенти Александр Вучичнинг Москвага кетаётган самолёти Озарбайжоннинг Баку шаҳрига мажбурий қўнган эди.

Бунёд Келдибоев