Монтанадаги отишмада 4 киши ҳалок бўлди

Олам

−

02 Август 2025 visibility4435 timer1 дақиқа

Кеча, 1 август куни АҚШнинг Монтана штати Анаконда шаҳридаги барда содир бўлган отишмада 4 киши ҳалок бўлди. Бу ҳақда NBC News хабар берди.

Штат полициясининг маълум қилишича, ҳодиса маҳаллий вақт билан соат 10:30да содир бўлган. Барда Майкл Пол Браун томонидан ўт очилган. Полиция маълумотларига кўра, у ҳали қўлга олинмаган.

Монтана губернатори Грег Жанфорте Х ижтимоий тармоғидаги саҳифасида воқеалар ривожини диққат билан кузатиб бораётганини ёзди. Шунингдек, у барча жабрланганлар ва ҳозирда воқеа жойида бўлган полиция ходимлари учун дуо қилишини таъкидлади.

Эслатиб ўтамиз, 28 июль куни АҚШнинг Нью-Йорк шаҳридаги осмонўпар бинолардан бирида эркак отишма содир этганди. Оқибатда камида беш киши, жумладан, бир нафар аёл полициячи ҳалок бўлди.

Мақола муаллифи