Макрон учун махсус зирҳли машина ишлаб чиқарилди

north_east

Байдендан Путингача: дунё етакчилари қандай машинада юради?

Франциянинг Renault компанияси Франция Президенти учун мўлжалланган махсус зирҳли Rafale машинасини тақдим этди. Бу ҳақда “Capital” хабар берди.

Қайд этилишича, машина гибрид модель асосида ишлаб чиқилган бўлиб, зирҳ билан жиҳозланган ва интерери бутунлай қайта ишланган.
Ташқи кўринишда Президентга мўлжалланган Renault Rafale Франция байроғи рангларидаги безаклар, байроқча тутқичлар ва эксклюзив “Bleu Présidence” ёзувли корпуси билан ажралиб туради. Бўёқ қопламаси қуёш нури остида Франция давлат байроғи ранглари билан ялтираб туради.

Машинанинг зирҳланиши Centigon France компанияси томонидан амалга оширилган. Бироқ Renault зирҳнинг техник тафсилотларини ошкор қилмаган. Тўлиқ бошқариладиган шасси ва осма тизими машина оғирлиги (зирҳ сабабли) ҳисобга олиниб модернизация қилинган. Машина 300 от кучига эга, тўлиқ тортувга эга бўлиб, 20 дюймли Michelin шиналари билан жиҳозланган.

Renault компаниясининг маълум қилишича, автомобилнинг орқа қисми офис сифатида ишлаб чиқилган. Иқлим тизими ва акустик қулайлик алоҳида эътиборда бўлган. Орқа эшиклар автоматик ёпилувчи механизм билан жиҳозланган.

Умуман олганда, автомобиль нафақат техник, балки эстетик жиҳатдан ҳам юқори даражада, давлат раҳбари учун замонавий ва хавфсиз транспорт воситаси сифатида яратилган.

Эслатиб ўтамиз, аввалроқ Россия Президенти Владимир Путин Aurus автомобилининг янгиланган версиясида биринчи марта ҳаракатлангани ҳақида хабар берилганди.