Ўзбекистоннинг қайси ҳудудида энг кўп туғилиш қайд этилди?

Жорий йилнинг январь-апрель ойларида Самарқанд вилоятида 32 118 та тирик туғилиш қайд этилган ва бу Ўзбекистон бўйича энг юқори кўрсаткич. Бу ҳақда Миллий статистика қўмитаси хабар берди.

Маълумотларга кўра, 2025 йилнинг январь-апрель ойларида республика бўйича 266 минг 478 та тирик туғилиш ҳолатлари ФҲДЁ органларида қайд этилган.

Туғилишларнинг ҳудудлар кесими бўйича тақсимланиши қуйидагича:

• Қорақалпоғистон Республикаси – 11 896 та;
• Андижон вилояти – 23 513 та;
• Бухоро вилояти – 12 390 та;
• Жиззах вилояти – 11 787 та;
• Қашқадарё вилояти – 29 792 та;
• Навоий вилояти –  7 367 та;
• Наманган вилояти – 22 843 та;
• Самарқанд вилояти – 32 118 та;
• Сурхондарё вилояти – 24 599 та;
• Сирдарё вилояти – 6 634 та;
• Тошкент вилояти – 20 698 та;
• Фарғона вилояти – 30 371 та;
• Хоразм вилояти – 12 447 та;
• Тошкент шаҳри – 20 023 та.

Эслатиб ўтамиз, аввалроқ Ўзбекистонда 2025 йилнинг январь-апрель ойларида 1 нафар туғилганлар 260 минг 119, 2 нафар (эгизаклар) туғилганлар 6 179, 3 нафар ва ундан ортиқ туғилганлар 180 экани хабар қилинганди.