Ҳиндистондаги меҳмонхонада ёнғин оқибатида 14 киши ҳалок бўлди
Олам
−
30 Апрель 3183 1 дақиқа
Кеча, 29 апрель куни Ҳиндистоннинг Калькутта шаҳрида жойлашган Rituraj меҳмонхонасида содир бўлган ёнғин сабабли 14 киши вафот этди. Бу ҳақда NDTV хабар берди.
Телеканалнинг маълум қилишича, ёнғин оқибатида ҳалок бўлган 14 кишининг жасади топилган, бир неча киши қутқарилган. Воқеани ўрганиш учун махсус гуруҳ тузилган. Билдирилишича, ёнғиннинг асл сабаби ҳалигача аниқланмаган.
Шу ўринда Ҳиндистоннинг Бхаратия Жаната партияси раҳбари Саканта Мажумдер ҳам ўзининг Х платформасидаги постида ёнғин ҳақида маълумот бериб, ёнғин хавфсизлигига риоя этилишини қатъий назорат қилишни талаб қилган.
Эслатиб ўтамиз, кеча, 29 апрель куни маҳаллий вақт билан соат 12:00 атрофида Хитойнинг Ляонин провинциясида жойлашган Ляоян шаҳридаги ресторанлардан бирида ёнғин содир бўлганди. Воқеа оқибатида 22 киши ҳалок бўлган ва уч киши жароҳатланган.
Live
Барчаси
