АПЛнинг март ойидаги энг яхши футболчиси эълон қилинди
Спорт
−
04 Апрель 2240
“Манчестер Юнайтед” ярим ҳимоячиси Бруно Фернандеш Англия Премьер-лигасининг март ойидаги энг яхши футболчиси деб топилди. Бу ҳақда лига матбуот хизмати хабар берди.
Март ойида Премьер-лиганинг иккита ўйинида португалиялик футболчи иккита гол урди ва худди шунча голли узатмани амалга оширди, “Манчестер Юнайтед” эса мумкин бўлган 6 очкодан 4 очкони қўлга киритди.
Фернандеш фаолияти давомида биринчи марта АПЛда ойнинг энг яхши футболчиси деб топилди, шунингдек, у Уэйн Руни ва Робин ван Персидан кейин мазкур совринни қўлга киритган биринчи “қизил иблис”га айланди.
Маълумот учун, МЮ АПЛ доирасидаги навбатдаги ўйинини ўзбекистонлик футболчи Абдуқодир Ҳусанов тўп тепаётган “Манчестер Сити”га қарши ўтказади. Ўйин 6 апрель куни “Олд Траффорд”да бўлиб ўтади.
Live
БарчасиТренддагилар
