Курс UZS

USD

12 920.44

5.44

EUR

14 252.54

295.3

RUB

153.52

-0.03

Мирзиёев Қувайтга етиб борди. Уни аэропортда Амир кутиб олди

Жамият

image

Ўзбекистон Республикаси Президенти Шавкат Мирзиёев Қувайт Давлати Амири Шайх Мишъал ас-Сабоҳнинг таклифига биноан бугун, 17 февраль куни расмий ташриф билан ушбу мамлакатга етиб борди. Бу ҳақда Президент матбуот хизмати хабар берди.

Ал-Қувайт халқаро аэропортида давлат раҳбарини Амир Шайх Мишъал ас-Сабоҳ, Валиаҳд Шайх Сабоҳ Холид ал-Ҳамад ас-Сабоҳ ва бошқа расмий шахслар кутиб олди.

Ўзбекистон етакчисининг ташрифи шарафига фахрий қоровул саф тортди, давлат байроқлари кўтарилди, икки мамлакат мадҳиялари янгради.

Президент Мирзиёев фахрий қоровул сафи олдидан ўтди. Сўнг давлат раҳбарлари расмий делегациялар аъзолари ва дипломатик корпус вакилларини қутлади.

Аэропортнинг Амир терминалида етакчилар ўртасида қисқа суҳбат бўлиб ўтди.

Бугун Ўзбекистон Президенти ва Қувайт Амири олий даражада музокара ўтказади. Саммит кун тартибидан Ўзбекистон билан Қувайт ўртасидаги дўстлик ва кўп қиррали шериклик муносабатларини янада мустаҳкамлаш, сиёсий, савдо-иқтисодий, инвестиция-молиявий ва маданий-гуманитар соҳалардаги ҳамкорликни кенгайтириш масалалари ўрин олган.

Тадбирлар якунида қатор ҳукуматлараро ва идоралараро битимлар қабул қилиниши кўзда тутилган.


Мақола муаллифи

Теглар

Шавкат Мирзиёев Ўзбекистон Қувайт Шайх Мишъал ас-Сабоҳ

Баҳолаганлар

0

Рейтинг

3

Мақолага баҳо беринг

Дўстларингиз билан улашинг