Карьера бошлаш учун энг яхши давлатлар рейтинги эълон қилинди. Ўзбекистон нечанчи ўринда?

Карьерани бошлаш учун дунёдаги энг яхши давлатларнинг 2024 йилги рейтингида Ўзбекистон 99-ўринни эгаллади. Бу ҳақда “CEO World” журнали хабар берди.

Тадқиқотчилар 127 та давлатни иккита асосий тоифа бўйича: яшаш имконияти ва касбий имкониятлар бўйича жамлаган, таҳлил қилган ва солиштирган. Рейтинг 35 ёшгача бўлган 196 мингга яқин битирувчиларни ўрганиш асосида тузилган ва мамлакатлар меҳнат бозори, иқтисодий барқарорлик, тадбиркорлик муҳити, даромадлар тенглиги, инновациялар, прогрессивлик ва яшаш истаги каби 19 та мезон асосида баҳоланган. Ҳар бир кўрсаткичга 100 баллик тизимда баҳо берилган.

Талабнинг камайиши даромаднинг шаклланишига сезиларли таъсир кўрсатиши мумкин, бу эса ўз навбатида меҳнат бозорининг ўзгаришига олиб келади. Бироқ, меҳнат бозори келажагини аниқ башорат қилиш мумкин эмас. Шунга қарамай, тенденция иш маданияти масофавий ишлаш моделига ўтишини кўрсатади. Гарчи ихтиёрий даромад тақчиллиги қисқа муддатда меҳнат бозорининг кенгайишига таъсир қилса-да, қисқа муддатда умумий мамлакатга хос тушунча ўзгариши даргумон.

Қайси давлатлар карьера бошлаш учун энг яхшиси? 

Журнал маълумотларига кўра, Буюк Британия карьерани йўлга қўйиш бўйича дунёдаги биринчи рақамли давлат деб топилди. Рўйхатда кучли ўнталикни Германия, Канада, АҚШ, Япония, Франция, Нидерландия ва Жанубий Корея сингари давлатлар эгаллаб турибди. Швеция ва Бирлашган Араб Амирликлари энг яхши 10 та давлат орасида мос равишда тўққизинчи ва ўнинчи ўринларни банд қилган.

Энг охирги рақамда Яман давлати қайд этилган. Рўйхатда Ўзбекистон 99-, Қозоғистон 71-, Туркманистон 74-, Қирғизистон 119-, Афғонистон 122-ўриндан жой олган. Рейтингга Тожикистон киритилмаган.

Яқинда ўтказилган тадқиқотларга кўра, 2024 йил охирига бориб, жаҳон меҳнат бозорида тахминан 56 миллион маълумотли ишчилар етишмайди. Тадқиқот олий таълимни тугатган ва илмий даражага эга бўлган ҳамда 35 ёшгача бўлган шахсларни назарда тутган ҳолда, битирувчилар учун дунёдаги энг керакли мамлакатни аниқлашга қаратилган.

Эслатиб ўтамиз, аввалроқ “Хавфсизлик тушунчалари 2023” (SPI)  индексида Ўзбекистон жаҳондаги энг хавфсиз мамлакат деб эътироф этилгани хабар қилинганди.