Орбан Зеленский билан музокара ўтказиш учун Киевга борди 

Венгрия Бош вазири Виктор Орбан Украина Президенти Владимир Зеленский билан музокаралар ўтказиш учун Киевга борди. Бу ҳақда Орбан матбуот хизмати раҳбари Берталан Хаваси маълум қилди. 

Унинг сўзларига кўра, Орбан ва Зеленский тинчлик ўрнатиш имкониятлари ва Венгрия-Украина икки томонлама муносабатларидаги долзарб масалаларни муҳокама қилмоқчи.

"Музокараларнинг энг муҳим мавзуси - тинчлик ўрнатиш имконияти. Ҳар икки лидер Венгрия-Украина икки томонлама муносабатларини ҳам муҳокама қилади", деди Хаваси.

Бу Венгрия Бош вазирининг Россиянинг Украинага кенг кўламли бостириб кириши бошланганидан бери биринчи ташрифидир. Ғарбнинг Украинага ҳарбий ёрдамини танқид қилган Орбаннинг ташрифи Венгрия Европа Иттифоқи кенгашига раислик қилганидан бир кун ўтиб амалга оширилди.

ЕИ етакчилари орасида Россия Президенти Владимир Путин билан энг яқин алоқага эга эканлиги билан танилган Орбан 2022 йил февралида Россия босқинчилиги бошланганидан бери Украинани Кремль агрессиясидан ҳимоя қилишда қўллаб-қувватлаш бўйича Европа Иттифоқи ташаббусларига тез-тез қарши чиқди.

Орбан ўтган йили Путинга Венгрия ҳеч қачон Россия билан тўқнаш келишни истамаслигини айтган эди. 2024 йил бошида Европа Иттифоқи раҳбарларига Венгрия Бош вазирининг Украинага янги ёрдам сифатидаги 50 миллиард евролик ветосини бекор қилишлари учун бир неча ҳафта керак бўлди. Ўтган ҳафтада Европа Иттифоқи Украинанинг ЕИга аъзолиги бўйича музокараларни бошлади.