“Жокер” фильмининг иккинчи қисми суратга олинмоқда

Жаҳон кино саҳнасини жумбушга келтирган “Жокер” фильмининг давомини суратга олиш ишлари бошланди. Бу ҳақда картина режиссёри Тодд Филлипс ижтимоий тармоқларда маълум қилди.

Режиссёр томонидан улашилган суратда бош қаҳрамон ижрочиси Хоакин Феникснинг соқолини олиш жараёни акс этган. Расм остида “Биринчи кун. Бизнинг болакай Жокер” дея изоҳ қолдирган.

Картинанинг 2-қисми “Жокер: икки кишилик телбалик” деб номланиб, у катта экранларга 2024 йил 4 октябрда чиқиши режалаштирилган.

Ҳозирча фильмнинг сюжети номаълум. Кинода Жокер севгилиси ва жиноятларида шерик сифатида намоён бўлган Харли Қуинн билан учрашади. Харли Қуинн ролини Леди Гага ижро этади. Бундан ташқари, фильм мусиқий саҳналарга бой бўлиши кутилмоқда.

Маълумот учун, “Жокер” фильмининг биринчи қисми 2019 йил 4 октябрда АҚШ кинотеатрларида намойиш этилган ва томошабинлар томонидан жуда яхши кутиб олинган. Шунингдек, 2020 йил Лос-Анжелесдаги “Оскар” 92-тақдирлаш маросимида мукофотга номзод бўлган. Хоакин Феникс фильмдаги роли учун “Энг яхши актёр” мукофотини қўлга киритган.

Озода Чориева