Жиззахда деҳқон бозорига ўрнатилган янги йил арчаси ёниб кетди (видео)

Crime

−

23 December 2022 visibility5938 timer1 minute

Жорий йилнинг 22 декабрь куни соат 18:01 да Жиззах шаҳар Мирзо Улуғбек маҳалласи Тошкент кўчаси ҳудудида жойлашган Марказий дехқон бозорининг автотураргоҳида бозор маъмурияти томонидан ўрнатилаётган “Янги йил арчаси”да ёнғин содир бўлган. Бу ҳақда Жиззах вилояти Фавқулодда вазиятлар бошқармаси хабар берди.

Маълум қилинишича, Жиззах шаҳар ФВБнинг 2 та ёнғин-қутқарув экипажи воқеа жойига етиб борган. Ушбу ёнғин фуқаролар томонидан ўчирилган. Ёнғин оқибатида арчанинг 40 см юқори қисми ёниб зарарланган.

Аниқланишича, ёнғин безак сифатида ўрнатилаётган чироқларни ёқиб синовдан ўтказиш вақтида содир бўлган.

“Ёнғинда фуқароларнинг куйиш, тан жарохати олиш ва ҳалок бўлиш ҳолатлари қайд этилмаган”, дейилади хабарда.

Соҳиба Комиловна

Author