Янгиланган FIDE рейтингида Нодирбек Абдусатторовнинг ўрни ўзгармади

Sport

−

03 February 2025 visibility6030 timer1 minute

Бутунжаҳон шахмат федерацияси (FIDE) январь ойи учун янгиланган рейтингни эълон қилди. Ушбу рейтингдан 5 нафар ўзбекистонлик шахматчи ўрин олди.

Мазкур рейтингда Нодирбек Абдусатторов 2766 очко жамғарган ҳолда 6-ўринни банд этди. Унинг аввалги ўрни ҳам шундай кўринишда эди. Бу ойда Абдусатторовнинг рейтинг очколари 2 тага камайди. Аввалгиси 2768 очко эди. Жавоҳир Синдоров 31-ўринга кўтарилди. Унинг ўтган ойдаги ўрни 37-ўрин эди. Синдоров рейтинг очколарини 2700 тага етказди. Энг кучли шахматчилар рейтингида Рустам Қосимжонов 2681 очко жамғариб, 46-поғонада жойлашган. 2760 очкога эга Шамсиддин Воҳидов 52-ўриндан жой олди. Ўтган ойда 67-ўринда бўлган Нодирбек Ёқуббоев 2659 очко билан бу ойда 68-ўринга тушиб кетди.

Эслатиб ўтамиз, аввалроқ, Нодирбек Абдусатторовнинг анъанавий “Tata Steel Chees” мусобақасида совриндор бўлгани ҳақида хабар қилинган эди.

Author