Янгиланган BYD SONG PLUS DM-i UzPride Ўзбекистонда: янги технологиялар ва қулайлик

BYD компанияси маҳаллий бозорларнинг эҳтиёжларини инобатга олган ҳолда янги технологиялар ва илғор ечимларни жорий этиб, ўз автомобилларини изчил такомиллаштириб бормоқда. 2026 йилда BYD SONG PLUS DM-i UzPride Ўзбекистон бозори учун ташқи дизайн, салон жиҳозлари ва интеллектуал технологияларни қамраб олган бир қатор муҳим янгиланишларга эга бўлди. Моделнинг амалда синалган афзалликларини янада ривожлантирган, янгиланган модел юқори технологик имкониятлар, функционаллик, қулайлик ва хавфсизликни таклиф этади.

Ёритиладиган янги BYD логотипи автомобилнинг ташқи қиёфасини янада ифодали қилди. Ёритиш тизими ёқилганда ва трансмиссия селектори P (тўхтаб туриш) ҳолатига ўтказилганда логотип қизил рангда ёниб, автомобилнинг ўзига хослигини таъминлайди ва қоронғи пайтда унинг кўринувчанлигини оширади.

Янгиланган 19 дюймли енгил қотишмали ғилдирак дисклари моделнинг ўзига хос бренд услубини сақлаган ҳолда автомобилга янада динамик ва замонавий кўриниш бахш этади.

Ўзбекистондаги харидорларнинг хоҳиш-истакларини инобатга олган ҳолда, янгиланган BYD SONG PLUS DM-i UzPride энди нафис дизайнни кундалик фойдаланишдаги амалийлик билан уйғунлаштирувчи тўлиқ қора рангдаги салон безаги билан таклиф этилади. Рақамли кўрсаткичлар панели ҳам янгиланган фойдаланувчи интерфейсига эга бўлиб, автомобиль ҳақидаги асосий маълумотларни янада қулай ва тушунарли тарзда олиш имконини беради ҳамда бошқарув қулайлигини оширади.

Совуқ об-ҳаво шароитидаги қулайлик ҳам оширилди. Иситиладиган рул ғилдираги уни илиқ ва қулай ушлаш имконини беради. Ойна тозалагичларни музлашдан ҳимоя қилувчи тизим уларнинг музлаб қолишининг олдини олади ва совуқ ҳавода олд ойнада самарали тозалашга ёрдам беради.

Янгиланган модель автомобилдан фойдаланиш қулайлигини оширувчи кенгайтирилган интеллектуал имкониятлар тўпламига ҳам эга бўлди. NFC Key ва Bluetooth Key технологиялари смартфондан рақамли калит сифатида фойдаланиб, автомобилни анъанавий калитсиз очиш ва ишга тушириш имконини беради.

Адаптив круиз-назорат (ACC) ва автомобилни ҳаракатланиш бўлагида ушлаб туриш тизимини (LKA) бирлаштирган интеллектуал круиз-назорат (ICC) олдинда ҳаракатланаётган транспорт воситасигача хавфсиз масофани сақлаш, автомобилни ўз ҳаракатланиш бўлагида ушлаб туриш ва узоқ сафарларда ҳайдовчининг чарчашини камайтиришга ёрдам беради.

Яна бир муҳим янгиланиш – барча комплектацияларнинг стандарт жиҳозлари таркибига киритилган 50 Вт қувватли симсиз қувватлаш қурилмасидир. Аввалги 15 Вт қувватли симсиз қувватлаш қурилмасига нисбатан янги тизим кундалик сафарлар вақтида смартфонни қувватлаш муддатини сезиларли даражада қисқартиради.

(Симсиз қувватлашнинг амалдаги қуввати смартфон модели ва унинг қурилмага мослигига қараб фарқ қилиши мумкин. Барча қурилмалар ҳам 50 Вт қувватда қувватлашни қўллаб-қувватламайди.)

150KM Flagship комплектацияси қўшимча равишда автоматик ёмғир сезгичи билан жиҳозланган. У ёғингарчиликнинг жадаллигига қараб ойна тозалагичларни ишга туширади ва уларнинг ишлаш тезлигини созлайди, шу орқали автомобилни бошқариш хавфсизлиги ва қулайлигини оширади.

Махсус таклиф доирасида янгиланган BYD SONG PLUS DM-i UzPride харидорларига жозибадор молиялаштириш шартлари тақдим этилади. Улар камида 25 фоиз дастлабки тўлов билан 30 ойгача муддатга фоизсиз (0 фоиз) бўлиб тўлашни, шунингдек, ҳамкор банклар – OFB ва Ipoteka Bank OTP Group орқали 60 ойгача муддатга молиялаштириш дастурларини ўз ичига олади. Бу харидорларга ўз молиявий эҳтиёжларига энг мос молиялаштириш усулини танлаш имконини беради.

Янгиланган BYD SONG PLUS DM-i BYD компаниясининг ўз маҳсулотларини харидорларнинг талаб-истаклари ва маҳаллий бозор эҳтиёжларини инобатга олган ҳолда изчил такомиллаштиришга бўлган қатъий интилишини акс эттиради. Замонавий дизайн, интеллектуал технологиялар, янада юқори даражадаги қулайлик ва кундалик фойдаланиш учун амалий имкониятларни уйғунлаштирган янги модель BYD компаниясининг Ўзбекистондаги харидорлар учун ҳаракатланиш соҳасида илғор ечимлар яратишга содиқлигини яна бир бор тасдиқлайди.

BYD O‘zbekistondagi kontaktlari:

Rasmiy ishonch telefoni: 1811
Sayt: bydauto.uz
Instagram: @bydauto.uz
Telegram: t.me/bydautouz