Ямаль дунёнинг энг яхши футболчиси деб топилди

“Барселона”нинг испаниялик қанот ҳужумчиси Ламин Ямаль ESPN нашри талқини бўйича дунёнинг энг яхши футболчиси деб топилди. 2026 йилги “Олтин тўп” соҳиби, “Бавария” ҳужумчиси Гарри Кейн эса бешинчи ўринни эгаллади.

Рейтингда “Реал” ярим ҳимоячиси Жуд Беллингем иккинчи, “Бавария” қанот ҳужумчиси Майкл Олисе учинчи, “Барселона”нинг бразилиялик футболчиси Рафинья тўртинчи ўриндан жой олди.

Кучли ўнликдан, шунингдек, “Реал” ҳужумчиси Килиан Мбаппе, “Арсенал” ярим ҳимоячиси Деклан Райс, “Манчестер Сити” ҳужумчиси Эрлинг Ҳоланд, “Барселона” ярим ҳимоячиси Педри ва ПСЖ футболчиси Витинья ҳам ўрин олди.

Эслатиб ўтамиз, жорий йилнинг 26 октябрь куни Лондонда “Олтин тўп” мукофотини топшириш маросими бўлиб ўтди. Унда “Бавария” ва Англия терма жамоаси ҳужумчиси Ҳарри Кейн йилнинг энг яхши футболчиси деб топилди. Килиан Мбаппе иккинчи, Ламин Ямаль эса учинчи ўринни эгаллади. Шунингдек, Ямаль кетма-кет учинчи мавсум 21 ёшгача бўлган энг яхши футболчига бериладиган мукофотни қўлга киритди.