Wildberries асосий омборларини Россиядан ташқарига кўчирадими?

Wildberries компаниянинг асосий логистика қувватларини Россиядан ташқарига кўчирмаяпти, шу билан бирга, мамлакатдан ташқаридаги объектлар қурилиши режалаштирилган тартибда олиб борилмоқда. Бу ҳақда маркетплейс матбуот хизмати РИА Новостига маълум қилди.

“Омбор объектларимиз қурилиши режадагидек олиб борилмоқда. Оммавий ахборот воситаларидаги қурилиш суръатларини тезлаштириш ёки компаниянинг асосий логистика қувватларини Россия Федерациясидан ташқарига кўчириш мавзусидаги сизиб чиққан барча хабарларни биз вазиятни бўрттириб кўрсатишга бўлган ортиқча ҳиссиёт деб баҳолаймиз, бу бизнес-жараёнларимиз моҳиятини акс эттирмайди”, дейилади компания хабарида.

Қайд этилишича, маркетплейс мавжуд бўлган мамлакатларда логистика инфратузилмасини кенгайтириш бўйича тизимли ишлар олиб борилмоқда, аммо ҳозирда компания барча зарур ресурсларни логистика жараёнларини қайта тиклаш ва платформанинг барқарор ишлашини таъминлашга қаратмоқда.

“Минскдаги “Буюк тош” индустриал паркида жойлашган Wildberries логистика ҳаби барча бизнес-жараёнларни йўлга қўйиш учун май ойи охирида тест режимида фойдаланишга топширилган эди. Ҳозирда у ўз қувватларини босқичма-босқич ошириб бормоқда. Биз блоклар ишини изчиллик билан кенгайтирмоқдамиз ва объектни пўлaтидан фойдаланишга пўлалиқча топшириш сари босқичма-босқич ҳаракат қилмоқдамиз”, дейилади компания матбуот хизмати хабарида.

Шунингдек, улар Wildberries’нинг мамлакатдаги логистика инфратузилмаси, жумладан, саралаш марказлари тармоғи билан намоён бўлганини эслатиб ўтган. Яқин орада компания FBS модели бўйича товарларни қабул қилиш географиясини нафақат фирма, балки ҳамкорликдаги буюртмаларни тарқатиш пунктларида ҳам кенгайтиришни режалаштирмоқда.

Эслатиб ўтамиз, аввалроқ Россиянинг энг йирик маркетплейси Wildberries Украинанинг логистика марказларига ҳужумлари ортидан Қозоғистонда 100 минг квадрат метргача омбор майдонларини қидираётгани ҳақида хабар берилган эди.