Ўзбекистонда қўлланилган вакциналар 4,5 млн дозага яқинлашди

Коронавирусга қарши эмлаш ишлари бошлангандан бери Ўзбекистонда жами 4,5 миллион дозага яқин вакцина қўлланилди. Бу ҳақда Ўзбекистон Соғлиқни сақлаш вазирлиги Матбуот хизмати хабар бермоқда.

Кеча, 7 июлда мамлакат ҳудудлари бўйлаб 131143 доза COVID-19 га қарши вакцина қўлланилди. 

Улардан:

• 1-босқич эмланганлар 89913 нафарни, 
• 2-босқич эмланганлар 21550 нафарни,
• 3-босқич эмланганлар 19680 нафарни ташкил қилди.

Айни кунгача мамлакатда жами 4492365 доза вакцинадан фойдаланилди.

Улардан:

• 1-босқич эмланганлар 2680533 нафарни, 
• 2-босқичда эмланганлар 1369932 нафарни,
• 3-босқич эмланганлар 441900 нафарни ташкил қилди. 

7 июль кунидаги эмлаш кўрсаткичлари бўйича юқори ўринларни:

• Фарғона вилояти (21658 доза),
• Наманган вилояти (19104 доза),
• Андижон вилояти (18070 доза) банд қилди. 

Жами эмлашлар бўйича юқори кўрсаткичлар:

• Наманган вилоятида 554976 доза, 
• Фарғона вилоятида 537255 доза, 
• Андижон вилоятида 515548 дозани ташкил қилмоқда. 

Эмлаш жараёнлари давом этади.