Тўқаев Мудофаа вазирини алмаштирди

World

−

19 January 2022 visibility8319 timer1 minute

Қозоғистон Президент Қосим-Жомарт Тўқаев шу кунга қадар Ички ишлар вазири ўринбосари – Миллий гвардия бош қўмондони лавозимида ишлаб келган Руслан Жақсилиқовни Мудофаа вазири этиб тайинлади. Бу ҳақда “Оқ Ўрда” сайтида маълум қилинди.

“Руслан Жақсилиқов Қозоғистон Республикаси Мудофаа вазири этиб тайинлансин”, дейилади фармонда.

Давлат раҳбарининг бошқа фармони билан Мудофаа вазири Мурат Бектанов лавозимидан озод этилди.

Тўқаев, шунингдек шу кунга қадар Миллий гвардия Бош қўмондони биринчи ўринбосари – Бош штаб бошлиғи лавозимида ишлаб келган Еркин Бўтақановни Ички ишлар вазири ўринбосари – Миллий гвардия Бош қўмондони этиб тайинлаш ҳақидаги фармонни ҳам имзолади.

Author

Тўқаев Мудофаа вазирини алмаштирди

Diyora Abdurahmonova