Тошкентда ер усти метроси қурилиши авжида

Local

−

24 August 2019 visibility7198 timer1 minute

Ҳозирда Тошкент метрополитенининг “Дўстлик” бекатидан Қўйлиқ бозоригача бўлган қисмида “Оҳангарон” бекати йўналиши бўйлаб дастлабки рельсларни қўйиш ишлари бошлаб юборилди. Айни пайтда ушбу йўналишга 2 километрдан ортиқ пўлат излар ётқизилди.

Ушбу йўналиш 11 километрдан иборат бўлиб, “Дўстлик”, “Оҳангарон”, “Тузель”, “Илтифот”, “Роҳат”, “Янгиобод” ҳамда “Қўйлиқ” бекатларини ўз ичига олади.

Ушбу метро қурилишида бутунлай янги технологиядан фойдаланилмоқда. Жумладан, эстакадалар учун монолит усулда бетон устунлар қуйиш жараёни ўзлаштирилиб, Ўзбекистонда ишлаб чиқарилаётган материаллардан фойдаланилмоқда.

Темирйўлчилар Мустақиллик байрами арафасида “Дўстлик” ҳамда “Оҳангарон” бекатидаги қурилиш ишларини тўлиқ тугатишни режалаштиришган.

Author

Тошкентда ер усти метроси қурилиши авжида

Qalampir.uz Tahririyati