Тошкентда қувур цехи ёниб кетди (видео)
Crime
−
11 September 2025 6463 1 minute
Бугун, 11 сентябрь куни Тошкент шаҳри, Яккасарой туманида жойлашган пластмасса қувур цехида ёнғин чиқди. Бу ҳақда Фавқулодда вазиятлар вазирлиги хабар берди.
Қайд этилишича, соат 12:40 да Тошкент шаҳар Яккасарой тумани, Қушбеги кўчасида жойлашган пластмасса қувурларини ишлаб чиқариш цехида ёнғин содир бўлгани тўғрисида ФВБга хабар тушган.
Шунга кўра, ёнғин-қутқарувчилар соат 12:46 да ҳодиса жойига етиб бориб, ёнғин соат 13:08 да қуршаб олинган ва соат 13:15 да ўчирилган.
Дастлабки маълумотларга кўра, тан жароҳати олганлар тўғрисида хабар тушмаган. Воқеа жойига Фавқулодда вазиятлар вазири, Тошкент шаҳар ФВБ бошлиғи етиб борган.
Эслатиб ўтамиз, аввалроқ Сурхондарё вилояти, Узун туманидаги бозорда жойлашган озиқ-овқат маҳсулотлари савдо нуқтасида ёнғин чиққани ҳақида хабар берилган эди. Ҳодиса оқибатида тан жароҳати олганлар бўлмаган.
