Тошкентда Cobalt ҳайдовчиси юк автомобили тиркамасига бориб урилиши оқибатида ҳалок бўлди
Crime
−
16 April 2023 11506 1 minute
Тошкентнинг Сергели туманида Cobalt ҳайдовчиси юк машина тиркамасига бориб урилиши оқибатида вафот этди. Бу ҳақда пойтахт Ички ишлар бош бошқармаси Йўл ҳаракати хавфсизлиги бошқармаси хабар берди.
Жорий йилнинг 14 апрель куни соат 22:20 да Сергели тумани Қумариқ кўчасида 1996 йилда туғилган С.Д. Cobalt машинасини бошқариб кетаётиб, фуқаро С.П. бошқарувидаги ҳаракатсиз тўхтаб турган MAN юк машинасининг тиркамасига бориб урилган.
Cobalt ҳайдовчиси олган тан жароҳатлари оқибатида воқеа жойида вафот этган.
Мазкур ҳолат юзасидан Тошкент шаҳар ИИББ Тергов бошқармаси томонидан Жиноят кодексининг 266-моддаси 2-қисми билан жиноят иши қўзғатилган.
Ҳозирда тергов ҳаракатлари олиб борилмоқда.
Live
All
