Тошкентда 2 яшар бола Captiva уриб юбориб, вафот этди
Crime
−
15 February 2023 10577 1 minute
Тошкент шаҳрида Captiva ҳайдовчиси орқага ҳаракатланаётиб, 2 ёшли болани уриб юборди. Бу ҳақда Тошкент шаҳар Ички ишлар бошқармаси хабар берди.
Қайд этилишича, кеча, 14 февраль куни тахминан соат 16:00 ларда Шайхонтоҳур туманининг “Белтепа” маҳалласидаги йўлда ҳайдовчи Captiva автомашинасида орқага ҳаракатланаётиб, вояга етмаган 2021 йилда туғилган 2 ёшли болакайни уриб юборган.
Йўл-транспорт ҳодисаси оқибатида бола олган тан жароҳатлари сабабли воқеа жойида вафот этган.
Мазкур ҳолат юзасидан Жиноят кодексининг 266-моддаси 2-қисми (“Транспорт воситалари ҳаракати ёки улардан фойдаланиш хавфсизлиги қоидаларини бузиш”) билан жиноят иши қўзғатилган.
“Ҳозирда тергов ҳаракатлари олиб борилмоқда”, дейилади хабарда.
Live
All