“Тошкент пахта тозалаш заводи”да ёнғин содир бўлди

Тошкент вилоятида жойлашган пахта тозалаш заводида ёнғин содир бўлди. Унда жами 100 кг пахтага зарар етгани айтилмоқда.

Бугун, 16 апрель куни соат 17:13 да Тошкент вилояти Ўрта Чирчиқ тумани “Тинчлик” МФЙ Мунаввар кўчасида жойлашган “Реал Текст” МЧЖга қарашли “Тошкент пахта тозалаш заводи” ҳудудида очиқ майдонга ёйиб қўйилган, тахминан 100 килограмм “Наманган-77” 5-навли пахта хомашёси ёнган.

Ёнғин ўчириш жанговар бўлинмалари ёнғин жойига соат 17:20 да етиб борган. Содир бўлган ёнғин соат 17:30 да ўраб олиниб, соат 18:10 да тўлиқ бартараф этилган.

Қайд этилишича, ёнғинни бартараф этишга жами 3 та ёнғин ўчириш жанговар бўлинмалар ҳамда 20 нафар қутқарувчи жалб қилинган.

Қутқарувчиларнинг саъй ҳаракатлари натижасида 4 та бунт тахминан 8 минг тонна пахта хомашёси сақлаб қолинган.

Содир бўлган ёнғиннинг келиб чиқиш сабаби, Т-28 русумли пахта ортиш юклама тракторининг носозлиги деб топилди.