Шомуродов гол урган ўйинда “Рома” йирик ғалабани расмийлаштирди (видео)

Sport

−

25 February 2025 visibility9720 timer1 minute

Италия чемпионатининг 26-турида Римнинг “Рома” клуби ўз уйида “Монца”ни қабул қилди ва йирик 4:0 ҳисобида ғалаба қозониб, муҳим уч очкони ўз ҳисобига ёздириб қўйди.

Эътиборлиси, римликларнинг иккинчи голини Элдор Шомуродов киритди. 32-дақиқада қанотдан Соул узатган тўпни Шомуродов боши билан рақиб дарвозасига жойлаб қўйди. Шомуродовдан ташқари “бўрилар” сафида Салимакерс, Анлехиньо ва Брайан Кристанте гол урди.

70-дақиқада Шомуродов захирага олинди ва унинг ўрнига Леандро Паредес баҳсни давом эттирди.

Шундай қилиб, “Рома” очколари сонини 40 тага етказиб, 9-ўринга мустаҳкам жойлашди. А Серияда турнир жадвалини Миланнинг “Интер” клуби бошқармоқда. “Нерадзуррилар” ҳисобида 57 очко мавжуд.

Author