Шавкат Мирзиёев Ливан Президенти ва халқига таъзия билдирди

Local

−

05 August 2020 visibility9357 timer1 minute

Хабарингиз бор, кеча, 4 август куни Ливан пойтахти Байрутда кучли портлаш юз берди. Айни вақтга қадар олинган маълумотларга кўра, портлаш натижаси 100 дан ортиқ киши қурбон бўлган. Жароҳатланганлар эса 4 минг нафардан зиёд.

Ўзбекистон Республикаси Президенти Шавкат Мирзиёев Ливан Республикаси пойтахти Байрут бандаргоҳида юз берган кучли портлаш оқибатида кўплаб инсонлар қурбон бўлгани ва жароҳатлангани муносабати билан мамлакат Президенти Мишель Аунга ҳамдардлик билдирди. Бу ҳақда Ўзбекистон Президенти Матбуот хизмати маълум қилмоқда.

Давлат раҳбари Ливан халқига, марҳумларнинг оила аъзолари ва яқинларига чуқур таъзия билдирди.

Author