Самарқандда ДХА катта мутахассиси $6 000 билан ушланди
Crime
−
24 March 2022 9301 1 minute
Самарқандда Давлат хизматлари агентлигининг Иштихон туман бўлими катта мутахассиси 6 000 АҚШ доллари билан қўлга тушди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти Матбуот хизмати хабар берди.
Қайд этилишича, Давлат хизматлари агентлигининг Иштихон туман бўлими катта мутахассиси Б.Р., “Б.С.” МЧЖга иссиқхона учун ажратилган ер майдонини танишлари ёрдамида тикувчилик ва пишириқ ишлаб чиқариш цехи қуришга ҳужжатларни тайёрлаб беришни ваъда қилган. Бунинг эвазига эса 12 000 АҚШ доллари талаб қилиб, шундан 6 000 долларини таниши Ш.Р. орқали олган вақтида ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Live
All