Россияда йирик ҳарбий самолёт қулаб тушди
World
−
09 December 2025 13309 1 minute
Бугун, 9 декабрь куни Россиянинг Иваново вилоятида Ан-22 самолёти қулаб тушди. Бу ҳақда мамлакат Мудофаа вазирлиги хабар берди.
“Иваново вилоятида таъмирдан кейинги айланиб учиш вақтида Ан-22 ҳарбий-транспорт самолёти ҳалокатга учради. Самолёт одамлар яшамайдиган ҳудудга қулаган”, дейилади расмий хабарда.
Ҳодиса жойига қидирув-қутқарув гуруҳи ва Ҳарбий-ҳаво кучлари комиссияси учиб кетган. Улар воқеа сабабларини ҳамда бортдаги экипажнинг тақдирини аниқлайди.
“Shot” Telegram-канали маълумотига кўра, самолёт парчаланиб кетган. Бортда етти киши бўлган.
Эслатиб ўтамиз, аввалроқ Россия таркибидаги Карелия Республикасида Су-30 ҳарбий самолёти ўқув парвози вақтида қулаб тушганди. Ҳодиса оқибатида экипаж аъзоларининг ҳеч бири тирик қолмаган.
Live
AllBAAdagi YTHda 14 kishi halok bo'ldi
13 November
Eronda raketa uchirish qurilmasiga zarba berildi
13 November
