Роналду кетганидан бери Месси “Реал”га гол ура олмаяпти

Кеча, 1 март куни Испания чемпионати 26-турида Мадриднинг “Реал” клуби ўз уйида Каталониянинг “Барселона” жамоасини қабул қилиб, 2:0 ҳисобида ғалаба қозонди. 

Бўлиб ўтган ушбу баҳсда, “кўк-анорнанглилар” футболчиси Лионель Месси рақиб дарвозасини ишғол қила олмади. Аргентиналик футболчи сўнгги икки мавсумдан бери “Қироллик клуби” дарвозасига гол уролмаяпти. Месси сўнги бор, 2018 йили 6 март куни “Реал Мадрид” жамоаси дарвозасига гол урган. Бўлиб ўтган ўша ўйинда жамоалар муроса йўлини танлаганди. 

Португалиялик футболчи Криштиану Роналду 2017/2018 йилги мавсумда “Реал Мадрид” таркибида сўнгги бор “эл-классико”да иштирок этган. Ўшанда, Роналду ҳам Месси ҳам ўз номини таблога ёздириб қўйганди.

Шундан сўнг, португалиялик футболчи Туриннинг “Ювентус” клубига трансфер қилинди.

Роналду “Қироллик клуби”дан кетгандан бери, Месси “эл-классико”ларда “Реал Мадрид” дарвозасига йўл топа олмаяпти.

Жаҳонгир Сотволдиев