“Реал”нинг муҳим футболчиси “Эл класико”да ўйнамайди
Sport
−
23 October 2024 4801 1 minute
Мадриднинг “Реал” клуби ярим ҳимоячиси Родриго жароҳати сабаб Испания чемпионати доирасида “Барселона” билан ўйинда майдонга тушмайди. Бу ҳақда “Mundo Deportivo” хабар берди.
Родриго Европа Чемпионлар лигасининг умумий босқичи доирасида Дортмунднинг “Боруссия”сига (5:2) қарши ўйиннинг иккинчи бўлими охирида алмаштирилди.
Аниқланишича, бразилиялик футболчининг тиззасидан жароҳати бор, у бугун, 23 октябрь куни биринчи текширувдан ўтади, 24 октябрь куни эса жароҳатнинг даражасини аниқлаш учун МРТ текширувида бўлади.
Маълумот учун, 26 октябрь куни Испания чемпионатининг 11-тури доирасида Мадриднинг “Реал” клуби ўз майдонида “Барселона”ни қабул қилади. “Кўк-анорранглилар” 10 та ўйиндан сўнг 27 очко билан Испания чемпионати турнир жадвалида пешқадамлик қилмоқда, Мадридликлар эса 24 очко билан 2-ўринни банд этган.
Live
AllIIQK Hormuzda AQSh dron kemasini yo'q qildi
10 September
Dneprda dronlar hujumidan so'ng yirik yong'in chiqdi
10 September
Belgiya O'zbekistonga o'z elchisini tayinladi
10 September
Mamlakatimiz kazinoga aylanib ketdi – Lukashenko
10 September
