Португалияда иш вақтидан ташқари ходимни безовта қилиш тақиқланди

World

−

09 November 2021 visibility4185 timer1 minute

Португалияда энди иш берувчи иш вақтидан ташқари ходимига қўнғироқ қилса ёки СМС хабар ёзса, жаримага тортилиши мумкин. Бу ҳақда “Euronews” маълум қилди.

Қайд этилишича, мамлакат парламенти масофадан туриб ишлаш тўғрисидаги меҳнат қонунчилигига ўзгартиришлар киритган. Янги қонунга кўра, агар компаниялар одатдаги иш вақтидан ташқари ишчиларини безовта қилса, жарима тўлайди.

Шунингдек, ходим уйдан туриб ишлайдиган бўлса, компания унинг электр ва интернет харажатларини кўтариши керак.

Янги қоидалар ёш болаларнинг ота-оналари учун ҳам қулайлик яратади. Энди улар фарзанди саккиз ёшга тўлгунга қадар иш берувчилар билан олдиндан келишмасдан, уйда ишлаш ҳуқуқига эга бўлади. Аммо икки ойда бир марта раҳбар билан юзма-юз учрашиши лозим.

Author

Португалияда иш вақтидан ташқари ходимни безовта қилиш тақиқланди

Yulduz Abdurashidova