Перейра ва Адесанья жанги тасдиқланди
Sport
−
28 January 2023 4098 1 minute
Ўрта вазн тоифасида UFC чемпиони, бразилиялик Алекс Перейра ҳамда собиқ чемпион Исраэль Адесанья ўртасидаги реванш жанги UFC томонидан тасдиқланди. Жангнинг қачон ва қаерда ўтказилиши маълум бўлди.
Тўқнашув 8 апрель куни АҚШнинг Маями шаҳрида UFC 287 турнири доирасида бўлиб ўтади. Мазкур жанг турнирнинг марказий тўқнашуви ҳисобланади.
Перейра-Адесанья ўртасидаги охирги тўқнашув ўтган йилнинг ноябрь ойида бўлиб ўтган ва жангда Перейранинг қўли баланд келганди.
Маълумот учун, UFC 287 асосий кардидан Роб Фонт ва Адриан Янез, Раул Росас ва Кристиан Родригес ўртасидаги жанглар ҳам ўрин олган.
Live
All