Отабек Шукуров фаолиятини Италияда давом эттириши мумкин
Sport
−
01 August 2023 11833 1 minute
“Фотиҳ Карагюмрюк” клубининг ўзбекистонлик футболчиси Отабек Шукуровга Италия А Серияси клуби қизиқиш билдирмоқда. Бу ҳақда “Sport Italia” хабар берди.
Манбага кўра, футболчини Элдор Шомуродов тўп сурган “Женоа” клуби ўз сафига қўшиб олмоқчи. “Женоа” ўтган мавсумни B Серияда ўтказди. Жамоа 2-дивизион турнир жадвалида 2-ўринни қўлга киритди. Янги мавсумни “Женоа” А Серияда ўтказади.
Маълумот учун, 27 ёшли Отабек Шукуров “Машъал”, “Бунёдкор“ ва “Шаржа” клубларида тўп тепган. У Туркия чемпионатида ўйнаётган биринчи ўзбекистонлик футболчи ҳисобланади.
Ўтган мавсум Шукуров Туркия чемпионатида 28 та ўйин ўтказиб, 1 та гол урди ва худди шунча ассист муаллифига айланди. “Transfermarkt”га кўра, футболчи қиймати 2,5 миллион еврони ташкил этади.
Live
All“Demokrat.uz” rahbari qamaldi
12 November
AQShlik jurnalist “Oltin qalam” mukofotini oldi
12 November