Навоийда янги университет ташкил этилади
Local
−
13 December 2021 8117 1 minute
2022 йилда Навоий кон-металлургия комбинати тасарруфидаги Навоий давлат кончилик институти негизида Навоий политехника университети ташкил этилади. Бу ҳақда Ўзбекистон Президентининг жамоатчилик муҳокамасига қўйилган қарори лойиҳасида кўзда тутилган.
Қарор лойиҳасига кўра, мазкур университетга 2022/2023 ўқув йилидан бошлаб талабаларни қабул қилиш режалаштирилган. У 15 минг нафар талабани қамраб олади.
Қайд этилишича, университетни 2025 йилгача ОТМларнинг халқаро ТОП-1000 талик рейтингига киритиш стратегияси ишлаб чиқилади. Стратегияни ишлаб чиқиш Навоий кон-металлургия комбинати (Қ.Санақулов) ҳамда Олий ва ўрта махсус таълим вазирлиги (А.Тошқулов) зиммасига юклатилган.
Шунингдек, янги университетдаги таълим жараёнига халқаро таълим стандартларига асосланган илғор таълим технологиялари ва ўқитиш методикалари жорий этилади.
Live
All