Mobiuz 200 млн сўмлик шахмат бўйича онлайн-турнирига старт берди

Самарқандда 46-Бутунжаҳон шахмат олимпиадасида сайёрамизнинг энг яхши гроссмейстерлари беллашаётган бир пайтда, оддий ҳаваскорларда ҳам онлайн тахта қаршисига ўтириш учун яхшигина сабаб пайдо бўлди.

Ўзбекистонда шахмат терма жамоасини қўллаб-қувватлаш миллий акцияси бўлиб ўтмоқда. Mobiuz унга ўзига хос тарзда қўшилди – абонентларга шунчаки мухлислик қилишни эмас, балки шахмат ўйнашни таклиф қилди.

MobiChess онлайн-турнири бевосита Mobiuz мобил иловасида Ўзбекистон шахмат федерациясининг технологик ҳамкори бўлмиш idChess платформасида старт олмоқда.

Жами 4 та босқич (25 сентябрь, 9 октябрь, 23 октябрь, 13 ноябрь кунлари) ва якуний турнир (27 ноябрьда) режалаштирилган. Уларнинг ҳар бири икки соатдан, Тошкент вақти билан соат 19:00 дан 21:00 гача давом этади.

Босқич бошланишидан олдин платформада камида 10 та исталган партияни ўйнаш керак. Бу ўзига хос саралаш ва шу билан бирга таймер ишга тушишидан олдин ўйин интерфейсини ўзлаштириб олиш имкониятидир.

Ўйинларнинг ўзи “Арена” шаклида ўтказилади: бир партия кўпи билан 5 дақиқа давом этади, кейин эса дарҳол янги рақибни қидириш бошланади. Ғалаба учун 2 балл, дуранг учун 1, мағлубият учун 0 балл берилади. Ким икки соат ичида энг кўп балл тўпласа, ўша ғолиб бўлади. Очколар тенг бўлиб қолганда, ўринлар рақибларнинг кучлилигига қараб белгиланади.

Соврин жамғармаси босқичдан-босқичга ўсиб боради. Биринчи босқичда соврин жамғармаси 16 млн сўмни, иккинчи босқичда – 24 млн сўм, учинчи босқичда – 30 млн сўм, тўртинчи босқичда – 50 млн сўмни ташкил этади. Якуний турнир ғолиби 40 миллион сўм, кумуш ва бронза совриндорлари мос равишда 25 миллион ва 15 миллион сўмга эга бўлишади.

Бундан ташқари, ҳар бир босқичда 30 ГБ, 10 ГБ ва 5 ГБ интернет-тўпламлар ўйналади.
Биринчи босқичга рўйхатдан ўтиш 24 сентябрь соат 23:59 гача очиқ. Қўшилиш учун Mobiuz иловасини юклаб олиш ёки янгилаш, рўйхатдан ўтиш, MobiChess

бўлимига кириш, 10 та партия ўйнаш ва турнир куни соат 19:00 да “Арена”га ўтиш кифоя.
Тўлиқ қоидалар, жадвал ва совринлар билан компания сайтида танишиш мумкин.

Реклама ҳуқуқи асосида