Мирзиёев августда Озарбайжонга боради

−

08 August 2023 visibility4841 timer1 minute

Ўзбекистон Президенти Шавкат Мирзиёев Озарбайжонга ташриф буюриши кутилмоқда.

Бу ҳақда бугун, 8 август куни Ўзбекистон Марказий Осиё халқаро институти директори ўринбосари, собиқ элчи Шерзод Файзиев маълум қилди, дея хабар беради Озарбайжон матбуоти.

Файзиев бўлажак ташрифи ҳақида “Озарбайжон – Ўзбекистон: ҳамкорликнинг янги уфқлари” мавзусидаги давра суҳбатида маълум қилган.

Унга кўра, Ўзбекистон раҳбарининг ташрифи август ойида бўлиб ўтади.

Эслатиб ўтамиз, 2022 йилнинг 21-22 июнь кунлари Президент Шавкат Мирзиёевнинг таклифига биноан Озарбайжон Республикаси Президенти Илҳом Алиев давлат ташрифи билан Ўзбекистонга келган эди.

Author