Меркель даври расман тугади. Германияга янги канцлер сайланди
World
−
08 December 2021 7668 1 minute
Германия парламенти Бундестаг социал-демократ Олаф Шольц номзодини мамлакатнинг янги канцлери этиб тасдиқлади. Парламент мажлиси N24 телеканали орқали намойиш этилди.
Германия ҳукумати раҳбари яширин овоз бериш йўли билан мунозараларсиз сайланади. Биринчи турда ғалаба қозониш учун номзод мутлақ кўпчилик овоз олиши керак, ҳозирги Бундестагда 736 депутатдан камида 369 нафари дегани.
Жараён бошланишини Бундестаг президенти Барбел Бах эълон қилди. Мамлакат Президенти Франк-Валтер Штайнмаер бўлажак ҳукумат раҳбари номзодини расман парламентга тақдим этди.
Шольц 395 та овоз олди.
Конституцияга кўра, Германия сиёсатини ҳукумат бошлиғи белгилайди. Эндиликда у ҳукумати таркибини тузади.
Маълумот ўрнида, Германияда 16 йил деганда илк бор канцлер ўзгарди. 2005 йилдан буён мамлакатни Ангела Меркель бошқариб келаётганди.
Live
AllIspaniya migrantlarni Seutani tark etishga majbur qilish uchun ularni suv va o'tsiz qoldirmoqda
17:40
Toshkentdagi o'pirilib tushgan yo'l o'tkazgich qurilishida 7,4 mlrd so'm eb yuborilgani ayon bo'ldi
17:28
