Левандовски Анрини ортда қолдирди
Sport
−
19 February 2024 3543 1 minute
“Барселона” ҳужумчиси Роберт Левандовски Каталония клубининг собиқ аъзоси Терри Анрининг натижасидан ўзиб кетди. Бу ҳақда клуб матбуот хизмати хабар берди.
Манбага кўра, Левандовски “Сельта”га қарши ўйинда клуб сафидаги 50-голини киритди. Шу тариқа, польшалик футболчи “Барселона” сафида 49 та гол урган Анрини ортда қолдирди.
Қайд этиши жоиз, Испания чемпионатининг 25-туридан ўрин олган “Барселона” - “Сельта” учрашуви Виго шаҳридаги “Балаидос” стадионида бўлиб ўтди ва Каталония клубининг 2:1 ҳисобидаги ғалабаси билан якунланди. Ушбу учрашувда Левандовски дубл қайд этди.
Жорий мавсумда Каталония жамоасининг польшалик ҳужумчиси клуб сафида барча турнирларда 33 та ўйинда майдонга тушиб, 17 та гол ва 6 та голли узатмага муаллифлик қилди.
Live
All