Лапорта Ямаль учун рекорд нарх таклиф қилинганини маълум қилди
Sport
−
10 March 9476 1 minute
Испаниянинг “Барселона” жамоаси президенти Жоан Лапорта “Пари Сен-Жермен” аввалроқ ярим ҳимоячи Ламин Ямални сотиб олишга рекорд нарх таклиф қилганини маълум қилди. Бу ҳақда Лапорта клуб президенти лавозими учун бўлиб ўтган дебат давомида айтиб ўтди.
“Мен фахрланадиган нарсалардан бири шуки, ПСЖ Ямаль учун 250 миллион евро таклиф қилган эди ва биз бунга рад жавобини бердик. Унинг амалдаги шартномаси 2030 йилгача амал қилади”, дейди Лапорта.
Шунингдек, Лапортанинг таъкидлашича, “Пари Сен-Жермен” томонидан берилган таклиф тахминан икки йил аввал, Ямал 17 ёшда бўлган пайтида келиб тушган.
Маълумот учун, Ламин Ямаль “Барcелона” сафида барча мусобақаларда 142 та учрашувда майдонга тушиб, 44 та гол урган ҳамда 49 та голли узатмани амалга оширган.
Live
AllTurkiyada F-16 halokatga uchradi
12 August