Коронавирус яна бир давлатга етиб борди
World
−
19 November 2020 17170 1 minute
Самоа расмийлари мамлакатда коронавирус инфекциясининг биринчи ҳолатини қайд этишди. Бу ҳақда "Samoa Observer" хабар берган.
Мамлакат Бош вазири Туилаэпу Саилеле Малиелегаоининг айтишича, коронавирус аниқланган одам денгизчи бўлиб, у Янги Зеландиянинг Окленд шаҳридан Самоага келган.
Қайд этилишича, денгизчи тўрт кун карантинда ўтиргандан сўнг коронавирусга тест топширган ва унда мусбат натижа аниқланган. У иккинчи бор тест топширганда эса, манфий натижа қайд этилган.
"У зудлик билан изоляция қилинди. Эрталаб соат 06:00 да иккинчи тест ўтказилганда эса, натижа манфий бўлди", деган Бош вазир.
Самоа Бош вазирининг таъкидлашича, бемор ҳозирда шифохонада.
Маълумот ўрнида, Тинч океанидаги Самоа мамлакати COVID-19 касаллиги аниқланмаган дунёдаги кам сонли мамлакатлардан бири ҳисобланади.
Live
All