Халқ артисти Малика Аҳмедованинг 600 минг долларлик мол-мулки ўғирланди. У терговдан норози

Local

−

11 April 2023 visibility46229 timer1 minute

Ижтимоий тармоқларда Ўзбекистон халқ артисти Малика Ахмедова ўзининг 600 минг долларлик мол-мулки ўғирлангани, аммо ҳолат юзасидан ўтказилаётган тергов ҳаракатларидан норози эканини билдирган видеомурожаати тарқалди. Ҳолат юзасидан Бош прокуратура матбуот хизмати муносабат билдирди.

Маълум қилинишича, 11 апрель куни Малика Ахмедова Мирзо-Улуғбек тумани прокурори Алиакбар Пўлатовнинг қабулига таклиф қилинган ва унинг тергов билан боғлиқ эътироз ва важлари тингланган.

Қабул давомида М.Ахмедовага туман прокуратурасига тақдим қилинган жиноят иши тегишли тартибда ўрганиб чиқилганлиги ва тергов органига иш бўйича қўшимча тергов ҳаракатларини ўтказиш ҳақида ёзма кўрсатма берилганлиги тушунтирилган.