Гитлернинг соати аукционда $1,1 млнга сотилди

Нацистлар етакчиси Адольф Гитлерга тегишли экани айтилган соат АҚШда 1,1 миллион долларга сотилди. Соат Мэриленддаги Alexander Historical Auctions аукционида аноним харидор томонидан сотиб олинган.

Huber соатида свастика тасвирланган ва AH бош ҳарфлари ўйиб ёзилган.

Савдо арафасида яҳудий етакчилари соатни кимошди савдосига қўйиш қарорини қоралади, бироқ ўтмишда нацистларнинг бошқа ёдгорликларини сотган аукцион уйи немис матбуотига мақсади тарихни сақлаб қолиш эканини айтган.

Кимошди савдоси каталогида айтилишича, соат фашистлар етакчиси 1933 йилда Германия канцлери бўлганида туғилган кунига совға бўлган бўлиши мумкин.

Кимошди савдоси уйининг ҳисоб-китобларига кўра, 1945 йил май ойида 30 га яқин француз аскари Гитлернинг Алп тоғларидаги Бергхоф яширин жойига бостириб кирганида, соат эсдалик сифатида олинган.

Кейинчалик улар қайта сотилган ва улар аввалги эгасининг оиласининг бир неча авлодларида сақланиб қолган деб ҳисобланади.

Аукциончилар соат учун 2 млндан 4 млн долларгача олишларини кутишган. Афсуски, бундай сахий харидорлар топилмаган.