“Гарри Поттер” актрисаси вафот этди
Art & Culture
−
17 April 2021 17580 1 minute
Буюк Британиялик театр ва кино актрисаси Хелен Маккрори вафот этди. Бу ҳақда унинг турмуш ўртоғи, актёр Дэмиэн Льюис Twitter'даги саҳифасида маълум қилган.
"Ғамгинлик билан шуни маълум қиламанки, гўзал ва кучли аёл Хелен Маккрори саратон касаллигига қарши қаҳрамонларча курашдан сўнг уйда вафот этди", дейилган хабарда.
Актриса 52 ёшда эди. У Гарри Поттер фильмларида Нарцисса Малфой ролини ўйнаган.
Шунингдек, у "Вақт қўриқчиси", "Доктор Ким", "Қўрқинчли эртаклар", "Омадсизнинг хотиралари" ва "007: "Скайфолл" координаталари" фильмларида роль ижро этган.
Маккрори BAFTA Cymru мукофоти совриндори ва икки марта Лоренс Оливье мукофотига номзод бўлган.
У классик асарларда актриса сифатида машҳурликка эришган.
Live
All