Фарғонадаги “заправка”да Damas ёниб кетди

Crime

−

14 October 2025 visibility6713 timer1 minute

Фарғона вилоятидаги газ “заправка”лардан бирида метан қуйиш жараёнида Damas ёниб кетди. Бу ҳақда вилоят Фавқулодда вазиятлар бошқармаси хабар берди.

Маълум қилинишича, кеча, 13 октябрь куни соат 13:51 да Олтиариқ тумани, “Беруний” МФЙ Полосонобод кўчасида жойлашган “Eco Metan” МЧЖга қарашли газ “заправка” ичида метан қуйиш жараёнида Damas русумли автомобилни ташқи кузуф қисми қисман ёнган. Ёнғин қисқа фурсат ичида “Eco Metan” МЧЖ ишчи хизматчилари ва ҳайдовчилар томонидан бирламчи ёнғин ўчириш воситалари орқали ўчирилган.

Ёнғин оқибатида жабрланганлар йўқ, унинг сабаби ва зарари аниқланмоқда.

Эслатиб ўтамиз, аввалроқ Фарғона вилоятининг Ёзёвон туманида юк автомобили ёниб кетганди.

Author