Эртага Тошкентдаги айрим кўчалар вақтинча ёпилади

Local

−

13 September 2022 visibility14086 timer1 minute

Эртага, 14 сентябрь куни Тошкентнинг айрим марказий кўчалари вақтинча ёпилади. Бу ҳақда шаҳар ҳокимлиги Матбуот хизмати хабар берди.

Йўллар “Ипак йўли дурдонаси” XIV Тошкент халқаро кинофестивали ўтказилиши муносабати билан ёпилади. Қуйидаги кўчалар ёпилади:

• Чилонзор кўчаси – Новза ва Катта Чилонзор кўчалари оралиғида соат 10:00 дан 17:00 гача қисман ёпилади;

• Алишер Навоий шоҳкўчаси – Лабзак ва Абай кўчалари оралиғида соат 17:00 дан 20:00 гача қисман ёпилади;

• Пахтакор кўчаси – Навоий шоҳкўчаси ва “Пахтакор” стадиони оралиғида соат 14:00 дан 23:00 гача тўлиқ ёпилади;

Ҳокимлик ҳайдовчиларга айланма йўллардан фойдаланишни тавсия қилиб, ноқулайликлар учун узр сўраган.

Author