Энди футбол ўйинларида кўк карточкалар ишлатилади

Sport

−

09 February 2024 visibility17817 timer1 minute

Футболда янги кўк карточка пайдо бўлади. Бу ҳақда “The Telegraph” хабар берди.

Манбага кўра, ҳакам бундай карточкани футболчиларга хавфли ҳужумни тўхтатиб қўядиган тактик қоидабузарлик ҳамда учрашув расмийси билан кескин тортишгани учун кўрсатади.

Агар футболчи кўк карточка олса, у 10 дақиқага майдондан четлатилади. Агар ўйинчига иккита кўк карточка ёки сариқ ва кўк карточкалар комбинацияси кўрсатилса, бу ўз-ўзидан қизил карточкага айланади.

Бугун, 9 февраль куни футбол ўйини қоидаларини бошқарадиган ва тартибга солувчи Халқаро футбол ассоциацияси кенгаши (IFAB) янги карточканинг қачон синовдан ўтказилиши ҳақида маълумот беради.

Дастлаб, кўк карточкани синовдан ўтказиш юқори даражадаги мусобақаларга таъсир қилмайди, аммо ёзда инглиз клублари турнирларида, жумладан, эркаклар ва аёллар жамоалари ўртасидаги Англия кубогида қўлланилиши мумкин.

Author