Энди давлат лавозимларига фақат конкурс асосида ишга қабул қилинади

Local

−

20 December 2022 visibility8212 timer1 minute

Бундан буён давлат лавозимларига фақат конкурс асосида ишга қабул қилинади. Бу ҳақда Президент Шавкат Мирзиёев бугун, 20 декабрь куни Олий Мажлис палаталарига йўллаётган мурожаатида айтиб ўтди.

“Бу йил “Давлат хизмати тўғрисида”ги янги Қонунни қабул қилдик. Бундан буён давлат лавозимларига фақат конкурс асосида ишга қабул қилинади. Барча раҳбарлар фаолияти самарадорлик кўрсаткичлари асосида баҳолаб борилади”, дейди Президент.

Шунингдек, давлат раҳбари ҳар йили 500 нафар мутахассисни энг нуфузли хорижий олийгоҳ ва марказларда ўқитиб келишни ваъда қилди.

“Келаси икки йилда ҳар бир туман ва шаҳар ҳокимлигига республика идораларида юқори лавозимларда ишлаган, билимли ва тажрибали кадрлар қўйилади.

Янги йилдан бошлаб ҳар бир ҳоким ўз туманига 40-50 миллион доллар хусусий инвестицияларни олиб келиши керак бўлади”, дейди Мирзиёев.

Author

Энди давлат лавозимларига фақат конкурс асосида ишга қабул қилинади

Qalampir.uz Tahririyati